نايف المحينيش + زبن القاضي

[بلسم الجروح]

نايف المحينيش - زبن القاضي

بعنوان

زبـن الـقـاضـي مطـلوب فـورا ً !!!!

http://mydanalshar.com/showthread.php?p=22024&posted=1#post22024



نايف المحينيش

الله اكبر يازبن حطيت لك مجلس إدارة=وفوقها حطيت لك ميدان لحروف القصيد
مير يوم ان الحسيكي يازبن صدّر قراره=ليه ما ألحقت الحسيكي يازبن متعب رشيد

زبن القاضي

الله اكبر يالغليـم تاتعلـم للشطـاره=لاتقربها وخل العلـم فالجـال البعيـد
ابن عمي يابلناخي في محله فالصداره=والحسيكي في محله مايقل ولايزيـد

نايف المحينيش

مايخالف مير لاترمي على الناس الحجارة=وانت رجال ٍ تجيب العلم بالراي السديـد
والله اني ناصحك مير انت ماخذها عياره=وانتظر بكره يبين العلـم لا ذاب الجليـد


زبن القاضي

لاتخاف البني باسيسـان معمـورٍ جـداره=مابنيته من قزاز وصلب ساسه من حديـد

ويش رايك نرسلك تفتي هل الشام استعاره=مثل ماقال المثل جعلـك تفيـد وتستفيـد

نايف المحينيش

ماتكلمنا عن البني المسمى والعمارة=وابك كل العلم كله يازبن ساع البريد
الطمع معميه وده يازبن ختم الامارة=واحد ٍ لامن عطيته قالك هل من مزيد


زبن القاضي


ادري أن الناس كل ٍ في محله فـي ديـاره=افهم الموضوع يانايف ترى مانتـه بليـد

من بغـاء ختـم الكبـاره أيتعلـم للكبـاره=ومن بغاء سوق الذهب لازم يجمع له رصيد

نايف المحينيش

لاتكب الدرب تكفى لاتجنب عـن مسـاره=منت يالقاضي على ماقيل شيطـان ٍ مريـد
ويش رايك نترك الموضوع ونصك الستاره=دام هذا اللي تباه ومنوتـك واللـي تريـد